Irani paralajmëron se gjaku i liderit të Hezbollahut "s’do të kalojë pa u marr hak"

Udhëheqësi suprem i Iranit ka thënë se vdekja e liderit të Hezbollahut, Hassan Nasrallah "nuk do të kalojë pa ju  marr hak", një ditë pasi ai u vra në një sulm ajror izraelit në Liban.

Ajatollah Ali Khamenei shpalli pesë ditë zie në Iran në përgjigje të asaj që ai e përshkroi si "martirizimin e të madhit Nasrallah", duke e përshkruar atë si "një rrugë dhe një shkollë mendimi" që do të vazhdonte.

Mediat iraniane raportuan se një gjeneral i Gardës Revolucionare iraniane u vra gjithashtu në sulmet izraelite në Bejrut të premten.

Ushtria izraelite tha se Nasrallah kishte "gjakun e mijëra... në duart e tij" dhe se e kishte në shënjestër atë ndërsa ai "komandonte më shumë sulme të afërta".

Ekziston frika se sulmi mund ta fusë rajonin më të gjerë në luftë, pas gati një viti luftimesh ndërkufitare midis Izraelit dhe Hezbollahut të shkaktuar nga sulmet e 7 tetorit dhe lufta në Rripin e Gazës.

Deri më tani, ai dhe figura të tjera të larta iraniane nuk janë zotuar të hakmerren për serinë e goditjeve të rënda dhe poshtëruese që Izraeli i ka dhënë Hezbollahut në javët e fundit, me sa duket sepse Irani nuk dëshiron një luftë me armikun e tij kryesor.

Irani gjithashtu nuk e ka kryer kërcënimin e tij për t'u hakmarrë për vrasjen e liderit të Hamasit Ismail Haniyeh në Teheran në korrik, për të cilin Irani dhe Hamasi fajësuan Izraelin.

Si Hezbollahu ashtu edhe Hamasi janë përcaktuar si organizata terroriste nga Izraeli, SHBA, Britania e Madhe dhe vende të tjera.

Sulmi izraelit i së premtes rrafshoi disa ndërtesa në periferinë jugore të Bejrutit, Dahieh, nën të cilën ushtria izraelite tha se ishte vendosur selia qendrore e Hezbollahut.