Robert O’Brien, këshilltari i presidentit të Amerikës Donald Trump, thotë se takimi paraprak mes Kosovës dhe Serbisë, Avdullah Hotit dhe Aleksander Vuçiç, ka qenë pozitiv. Sipas O’Brien palët kanë bërë përparim, ndërsa pret që e njëjta frymë konstruktive të vijojë edhe në takimet e tjera.
“Udhëheqësit e Serbisë dhe Kosovës tashmë po bëjnë përparim. Bisedat tona këtë mëngjes u përqëndruan në forcimin e lidhjeve ekonomike dhe Normalizimin Ekonomik. Presim të diskutojmë më tej këtë pasdite,” - tha Robert O’Brien.
Takimi zyrtar mes dy përfaqësuesve të Kosovës dhe Serbisë, Hotit dhe Vuçiçit, në praninë e amerikanëve do të zhvillohet të premten me 4 shtator në Shtëpinë e Bardhë në Uashington.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
