Një biznesmen është arrestuar sot në Sarandë pasi në supermarketin në pronësi të tij u gjetën mallra kontrabandë.
Siç njofton policia, Shaqir Halo, 43 vjeç, banues në Delvinë, u vu në pranga pasi gjatë një kontrolli që i është ushtruar në supermarketin e tij, në lagjen Nr.4, Sarandë, i janë gjetur dhe i janë sekuestruar rreth 180 kanaçe me produkt ushqimor (qumësht) me mbishkrime në gjuhë të huaja dhe të papajisura me dokumentet përkatëse për tregtimin apo marketingun e këtyre produkteve.
Policia ka referuar materialet në Prokurorinë e Rrethit Gjyqësor Sarandë në ngarkim të tij për këto vepra penale të parashikuar nga nenet 178 dhe 180 të Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
