Gjigandi shtetëror francez i energjisë EDF, nisi të shtunën mbylljen e termocentralit më të vjetër bërthamor të vendit pas 43 vjetësh në funksionim. EDF bëri të ditur se ka shkëputur një nga dy reaktorët në Fessenheim, përgjatë Rhine pranë kufirit lindor të Francës me Gjermaninë dhe Zvicrën, në orën 2:00 të mëngjesit, në fazën e parë të mbylljes së plotë të uzinës.
Reaktori i dytë do të hiqet nga linja në 30 qershor, por do të kalojnë disa muaj para se të dy të ftohen mjaftueshëm dhe materiali i përdorur mund të fillojë të hiqet.
Heqja e materialit radioaktiv pritet të përfundojë deri në verën e vitit 2023, por centrali do të asgjësohet plotësisht deri në vitin 2040, në rastin më të mirë.
Mbyllja e këtij centrali u bë synimi kryesor i fushatës anti-bërthamore pas rastit të Fukushimës në në Japoni në vitin 2011.
Ekspertët kanë vërejtur se standardet e ndërtimit dhe të sigurisë në Fessenheim, janë shumë larg atyre të Fukushimës, ndërsa ka paralajmërime se rreziqet sizmike dhe përmbytja në rajonin e Alsasës mund të jenë nënvlerësuar.
Pavarësisht një premtimi të ish-presidentit Francois Hollande vetëm disa muaj pas Fukushimës për ta mbyllur këtë uzinë, vetëm në vitin 2018, qeveria e Presidentit Emmanuel Macron dha dritën jeshile.
"Kjo shënon një hap të parë në strategjinë energjetike të Francës për të riekuilibruar gradualisht burimet bërthamore dhe të rinovueshme të energjisë, ndërsa shkurton emetimet e karbonit duke mbyllur impiantet e qymyrit deri në vitin 2022", tha kryeministri Edouard Philippe në fillim të kësaj jave.
Franca do të mbetet me 56 reaktorë, që ftohen me ujë me presion në 18 centrale bërthamore - vetëm Shtetet e Bashkuara kanë më shumë reaktorë, 98 të tillë – çka gjeneron rreth 70 për qind të nevojave të saj për energji elektrike.
Qeveria konfirmoi në janar se synon të mbyllë 12 reaktorë të tjerë që po i afrohen ose e kanë tejkaluar moshën 40 vjeç deri në vitin 2035, kur fuqia bërthamore duhet të përfaqësojë vetëm 50 përqind të totalit të energjisë në Francë.
Por në të njëjtën kohë, EDF po garon për të vënë në punë reaktorin e saj të parë të gjeneratës së ardhshme, që funksionon në uzinën e saj Flamanville në vitin 2022 - 10 vjet pas planifikimit - dhe më shumë mund të jenë në tubacion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
