Ukrainë, Zonja e Parë, Olena Zelenska: Të gjithë ukrainasit janë objektiv të rusëve

Për të rezistuar, duhet vetëm të vazhdosh dhe të vazhdosh të bësh atë që bën.

Kështu deklaroi në një intervistë për CNN, Olena Zelenska, zonja e parë dhe bashkëshortja e Presidentit të Ukrainës, Volodymir Zelensky.

Të dy, kur Rusia pushtoi vendin e tyre, vendosën të mos ikin. Që nga fillimi i konfliktit, ka pasur disa postime në rrjetet sociale të Olena Zelenska në të cilat u treguan mizoritë që shumë fëmijë dhe civilë janë detyruar të përjetojnë.

Në intervistë, Zonja e Parë e përshkroi luftën si “të ecësh në litar” duke shpjeguar se nëse fillon të mendosh se si të veprosh, humbet kohë dhe ekuilibër.

Ajo deklaron gjithashtu se si kanë ndryshuar prioritetet politike dhe se nëse më parë reformat që duhet të kishin futur ushqimin e shëndetshëm në shkolla ishin në qendër të debatit, tani është thelbësore të sigurohet që të gjithë fëmijët të mund të hanë një vakt.

Nuk mund të flasim për ushqim të shëndetshëm dhe stilin e jetesës për fëmijët. Qëllimi kryesor është shpëtimi i tyre. Gjysma e fëmijëve tanë janë detyruar të largohen nga vendi, ndërsa mijëra të tjerë janë lënduar fizikisht dhe psikologjikisht.

Ndër planet për të cilat ajo po punon është ai i evakuimit të fëmijëve më të cenueshëm dhe më të brishtë në vendet që i lejojnë ata të vazhdojnë rrugët e trajtimit dhe rehabilitimit.

Zonja e Parë njoftoi gjithashtu se Ukraina po importon inkubatorë “për të mbështetur foshnjat e porsalindura në qytetet e bombarduara nga rusët”.

Në shumë spitale, për shkak të sulmeve, është ndërprerë energjia elektrike dhe shumë prej tyre rrezikojnë jetën.

Zonja e Parë e Ukrainës, flet edhe për atë që do të thotë të jetosh me frikën e të qenit ndër objektivat më të rëndësishëm të forcave ruse.

Nëse shikoni me vëmendje, bëhet e qartë se çdo ukrainas është një objektiv për rusët: çdo grua, çdo fëmijë. Civilët që vdiqën duke u përpjekur të arratiseshin nga Kramatorsk nuk ishin pjesëtarë të familjes presidenciale, ata ishin vetëm ukrainas. Kështu që objektivi numër një për armikun jemi të gjithë ne.

Sipas saj, rusët nuk duan të shohin atë që sheh e gjithë bota dhe ndoshta dhe se gjëja kryesore për Ukrainën sot është “që pjesa tjetër e botës të na dëgjojë dhe të na shohë”.