Trupi i pajetë i mjekut neurolog, Drini Dobi mbërrin ditën e sotme, rreth orës 17:00 në Aeroportin e Rinasit. Lajmin e kanë bërë të ditur kolegë të tij, nëpërmjet postimeve në rrjete sociale.
Ndërsa, përcjellja për në banesën e fundit do të bëhet të shtunën tek Varrezat e Tufinës.
Postimi në Facebook
“Të nderuar kolegë dhe dashamirës të dr.Drini Dobit. Në vazhdimësi të postimit të mëparshëm, doja t’ju njoftoj që trupi i Drinit vjen në Aeroportin e Rinasit ditën e premte datë 18.12.2020 ora 17:00. Le të jemi të gjithë atje për ta pritur siç ai e meriton…! Përcjellja për në banesën e fundit do të jetë ditën e shtunë në Varrezat e Tufinës. Ju uroj nga zemra shëndet të gjithëve, Përqafime!”, shkruajnë kolegë të mjekut Drini Dobi.
Mjeku i njohur neurolog në qendrën Spitalore Universitare “Nënë Tereza”, Drini Dobi e humbi luftën me koronavirusin më 9 dhjetor. Dobi ndodhej në një spital në Itali ku ishte dërguar për mjekim të specializuar, pasi u infektua me Covid-19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
