Konferenca e radhës e “Open Balkan”, e cila po zhvillohet në Beograd, për tregun e hapur brenda Ballkanit Perëndimor, ka përcjellë në lidhje online edhe të dërguarin e SHBA-ve për Ballkanin, Gabriel Escobar dhe kryeministrin Edi Rama, të cilët kanë mbajtur fjalën e rastit.
Ka qenë Escobar, ai i cili shprehu sërish qasjen amerikane kundrejt nismës.
“Mbështetja për Open Balkan do të bëhet në bazë të kushteve që nisma të jetë hapur për të gjithë. Duhet anëtarësim i barabartë dhe jo shpërqendrim nga aspiratat evropiane”.
Ndër të tjera, i dërguari amerikan cilësoi faktin se pa të gjashta vendet pjesëmarrëse, nuk mund të ketë sukses për Open Balkan.
Nga ana tjetër, kryeministri Rama, ka vënë në diskutim bashkimin e tre vendeve të mbetura ballkanike në nismë. Sipas tij, nuk varet nga Shqipëria, Serbia dhe Maqedonia e Veriut, nëse ato u bashkohen apo jo.
“Nuk varet nga ne të bindim dikë që Open Balkan është i hapur”, nënvizoi ai.
Gjithashtu, kreu i Qeverisë theksoi se gjithçka po ndodhte, ishte zbatimi i procesit të Berlinit. Ndërsa, çdo vend, vendos në mënyrë të pavarur se çfarë do për veten.
“Nuk varet nga ne të bindim dikë që “Open Ballkan” është i hapur. Duhet të ecim përpara, nuk mund të presim. Varet nga gjithkush që të marrë vendimet e veta. Ne thjeshtë po zbatojmë procesin e Berlinit. Gjithkush të vendosë në mënyrë të pavarur çfarëdo do për vendin e vet. Falënderoj vërtetë gjithkënd dhe në veçanti Eskobarin. Mbështetja e tyre është genuine.
Ndër të tjera, kërkesën për të bindur tre vendet e tjera, ai i adresoi direkt partnerëve të mëdhenj, SHBA-ve dhe Bashkimit Evropian.
“Do të isha i lumtur që dy aleatët dhe partnerët të inkurajojnë të tjerët t’i bashkohen (nismën). Nuk kam dëgjuar kurrë nga Vuçiç që nuk e do Kosovën në tryezë. “Ballkani i Hapur” të mos bëhet karikaturë e strukturave që njohim”, përmbylli Rama.
Në takimin e fundit mes kryeministrit Edi Rama, Aleksandër Vuçiç dhe zv.kryeministrit të Maqedonisë së Veriut, Nikola Dimitrov u tha se në fund të dhjetorit do të zhvillohet një takim edhe në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
