Kreu i AAK-së Ramush Hradinaj ka reaguar mbi debatin e nisur dje në një shkollë të Gjakovës, ku ishte vendosur shenja për ndalimin e shamisë. Haradinaj e konsideron si të panevojshme vendosjen e shenjave të tilla, duke theksuar se jemi një komb dhe s’duhet të ndahemi.
Kreu i AAK deklaron:
Dua të dërgoj edhe një porosi. Ne jemi një. Një komb një vlerë, nuk ndahemi. Kur them nuk ndahemi, do të dimë mos me ra në gracka dhe debate të panevojshme. Ju e patë se si ndodhi një debat për simbolet dhe gjërat e lejuara apo të palejuara në shkolla. Të ju them të drejtën ajo shenjë ishte e panevojshme në një shkollë. Ajo çështje do të duhej të trajtohet në kanalet e veta zyrtare dhe administrative, pra në vijën institucionale. Po jo të nxisim debate që se kanë kohën edhe vendin dhe të lëndojmë ndjenjat e ndërsjellta”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
