India është bërë vendi i tretë në botë që kalon pragun e 300 mijë viktimave për shkak të koronavirusit. Kjo duke i bashkëngjitur edhe situatën e ditës së hënë e cila prodhoi 4.454 humbje jete, duke e çuar totalin që prej fillimit të pandemisë në 303.720.
Dy vendet e tjera para Indisë që e kanë arritur këtë shifër janë Shtetet e Bashkuara të Amerikës dhe Brazili.
Autoritetet e shëndetit në vend bënë po ashtu të ditur se në 24 orë u konfirmuan edhe 222,315 të infektuar, duke e bërë të hënën ditën e katërd radhazi në të cilën numri i rasteve është në rënie.
Megjithatë, numri i vdekjeve të hënën ishte më i larti i raportuar që më 19 maj.
Që nga fillimi i pandemisë, India numëron një total prej 26,7 milionë të infektuarish. Ndërsa, që nga 16 janari, në vend janë administruar të paktën 196,051,962 doza vaksinash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
