Dita e sotme ka rezultuar një bilanc lufte për Kosovën në aspektin e jetëve të humbura për shkak të koronavirusit. Mediat në Kosovë shkruajnë se pasdite kanë humbur jetën edhe dy persona të tjera për shkak të COVID-19 në qytetin e Ferizajt.
Ata janë të moshës 76 dhe 54-vjeçare, ndërsa mësohet se njëri prej tyre ka patur sëmundje bashkëshoqëruese. Për personin tjetër ende nuk dihet saktësisht. Gjithsesi në total, numri i vdekjeve në 24 orë në Kosovë ka shkuar në 6 ditën e sotme, pasi për katër jetë të humbura raportoi me herët Insituti Kombëtar i Shëndetësisë Publike në Kosovë.
Në total që prej fillimit të pandemisë për shkak të koronavirusit kanë humbur jetën 114 persona. Ndërkohë përsa u takon rasteve të reja në 24 orët e fundit ata kanë qenë 119, nga 420 mostra të marra gjithsej.
Në raport me popullsinë Kosova ka numrin më të lartë të të prekurve në Europë javën e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
