Olli: Veliaj gënjen për vrasjen e Arditit, prokuroria e nxori bllof

Olli: Veliaj gënjen për vrasjen e Arditit, prokuroria e nxori bllof

Partia Demokratike akuzon kryetarin e Bashkisë së Tiranës, Erion Veliaj, se po mashtron lidhur me vdekjen e 17-vjeçarit Ardit Gjoklaj në Sharrë. Duke komentuar deklaratat e kryebashkiakut Veliaj mbrëmë në TCH, kreu i Këshilltarëve të PD-së në Bashkinë e Tiranës, Leonard Olli, tha sot se Veliaj “Jo vetëm nuk mbajti asnjë përgjegjësi për vdekjen e Ardit Gjoklajt në landfillin e tij korruptiv e kriminal, por mori në mbrojtje edhe partnerin në biznes, kryesocialistin peqinas, të shpallur në kërkim por të mbrojtur nga Edi Rama, Edurim Teqja”. 

Sipas Ollit, Veliaj kërkon t’ia hedhë përgjegjësinë aleatit LSI, që drejton Inspektoriatin e Punës. Por sipas tij, hetimet e prokurorisë e nxjerrin bllof kryetarin e bashkisë së kryeqytetit.

“Në hetimet që ka bërë prokuroria rezulton se 17-vjeçari Ardit Gjoklaj është vrarë brenda kompanisë “3R” nga një fadromë që drejtohej nga një punonjës i kësaj firme”, tha Olli.

Olli akuzoi Veliajn se ka censuruar emisionin që hetonte vrasjen e adoleshentit Gjoklaj.

“Veliaj mashtron sërish kur thotë se nuk ka ndërhyrë në ndalimin e reportazhit Publicus për çka ndodhi në Sharrë, pasi jo vetëm e ka ushtruar gjithë presonin që ai të mos transmetohej, por nëpëmjet kryetarit dhe këshllitarëve kamikazë të maxhorancës në këshillin bashkiak, ai është konfirmuar si censurues në dhjetra raste, edhe i fjalës së këshilltarëve të opozitës. Një shafqje kjo e turpshme që i ka hequr çdo legjitimitet këshillit bashkiak Tiranë”, tha ai. 

​ 

MCN Radio logo
MCN Radio
103.1 FM
Drupal Ad
Drupal Ad
MCN Radio logo
MCN Radio
103.1 FM
Radio
Intro

MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.

Kategoritë
Streaming

MCN TV

MCN Radio

Contact

info@mcn.tv.al

+355 422 00200

All rights reserved. MCN 2025

Terms and ConditionsPrivacy Policy