Lajmi se bashkëshorti i ministres goditi me thikë drejtorin, Ibrahimaj: Konflikti para 5 muajsh, jo në zyrat e shtetit

Lajmi se bashkëshorti i ministres goditi me thikë drejtorin, Ibrahimaj: Konflikti para 5 muajsh, jo në zyrat e shtetit

Ministrja e Shtetit për Sipërmarrjen Delina Ibrahimaj ka reaguar pas publikimit në media të një lajmi se bashkëshorti i saj kishte goditur me thikë drejtorin e ATK-së, në kohën që Ministria e Financave drejtohej prej Ibrahimajt.

Ajo vë në dukje se ngjarja ka ndodhur 5 muaj më parë pranë vendit të punës së bashkëshortit dhe jo në zyrat e shtetit. Lidhur me rastin ka pasur edhe një kallëzim dhe sipas ministres “pala kallëzuese ka vijuar të qëndrojë në vendin e punës edhe pas largimit të saj nga funksioni”.

“Konflikti ka ndodhur pranë vendit të punës së bashkëshortit tim, jo në zyrat e shtetit dhe pasi është hetuar nga organet e drejtësisë në bazë të kallëzimit të bërë nga pala tjetër është pushuar për mungesë provash. I vetmi ndikim i imi në këtë proces ka qenë se nuk e kam lejuar bashkëshortin të bëjë kallëzim, pikërisht sepse personi në fjalë ka qenë drejtues i një institucioni varësie kur kam marrë detyrën si Ministre e Financave dhe s’kam dashur në asnjë mënyre që familja ime të marrë iniciativën”, thuhet në reagim.