Presidenti i Francës, Emmanuel Macron, ka reaguar pas vendimit të Donald Trump, për ta njohur Jerusalemin si kryeqytet të Izraelit.
Macron ka thënë se “Franca nuk e mbështet vendimin e Shteteve të Bashkuara për Jerusalemin”.
I pari i Francës ka thënë se vendi i tij "përkrah zgjidhjen për dy shtete në Lindjen e Mesme, Izrael dhe Palestinë, me Jerusalemin si kryeqytet të të dyve".
“Duhet të përqendrohemi tek pajtimi dhe dialogu”, është shprehur Macron.
Edhe përfaqësuesja e lartë e Bashkimit Evropian për Punë të Jashtme dhe Politikën e Sigurisë, Federica Mogherini, ka shpreur shqetësimin e BE-së për deklaratat e Trump.
"BE është shumë e shqetësuar për deklaratën e bërë sot nga presidenti amerikan, Donald Trump, për Jerusalemin", ka thënë Mogerini.
Edhe udhëheqës të tjerë evropianë e arabë kanë reaguar pas vendimit të Trumpit për Jerusalemin. Ata kanë paralajmëruar se vendimi i presidentit amerikan rrezikon seriozisht të dëmtojë çfarëdo iniciative paqësore në të ardhmen, e madje edhe të nxisë një valë të re të dhunës në rajonin e paqëndrueshëm të Lindjes së Mesme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
