Gjashtë muaj burg dhe 200 mijë dollarë gjobë.
Ky është dënimi që Departamenti i Drejtësisë do të propozojë në gjyqin e ardhshëm të ish-këshilltarit të Donald Trump, Steve Bannon , i akuzuar për pengim të hetimit për sulmin në Capitol Hill.
Vendimi për Bannon do të shpallet të premten nga një Gjykatë në Washington.
Steve Bannon konsiderohet si një nga arkitektët e fitores së Donald Trump në vitin 2016. Edhe pasi u largua nga Shtëpia e Bardhë në gusht 2017, ai qëndroi pranë presidentit dhe foli me të një ditë para sulmit në selinë e Kongresit.
Për të zbuluar natyrën e diskutimeve të tyre, komisioni hetimor parlamentar përgjegjës për të hedhur dritë mbi rolin e Donald Trump në këtë grusht shteti kishte thirrur Steve Bannon për të dëshmuar dhe prodhuar dokumente. Ai refuzoi, duke përmendur të drejtën e presidentëve për të mbajtur sekret disa biseda, gjë që bëri që ai të akuzohej për " pengim " të punës së Kongresit.
Gjatë gjyqit të tij në gjykatën federale në Washington në korrik, ai nuk paraqiti dëshmitarë dhe nuk foli. Juristët e gjetën atë fajtor pas më pak se tre orësh diskutimi.
Ai gjithashtu po ndiqet penalisht për mashtrim nga drejtësia e New York-ut si pjesë e një hetimi për mbledhjen e fondeve për ndërtimin e një muri midis Shteteve të Bashkuara dhe Meksikës, një nga premtimet kryesore të fushatës së Donald Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
