Presidenti turk, Recep Tayyip Erdoğan, tha sot gjatë vizitës në Mal të Zi se vendi i tij ka përgjegjësi dhe detyrim historik ndaj vendeve të Ballkanit.
"Ne kemi një përgjegjësi dhe detyrim historik këtu. Kjo është arsyeja pse ne i vazhdojmë vizitat tona në vendet e Ballkanit dhe kjo është arsyeja pse ne do t'i vazhdojmë ato. Dje isha në Bosnje-Hercegovinë dhe bisedova me miqtë tanë atje. Uniteti i tyre është shumë i rëndësishëm për ne. Unë besoj se Bosnjë e Hercegovina mund t'i kapërcejë problemet e saj në unitet dhe bashkim", citohet Erdoğan nga Anadolu Agency.
Presidenti turk e bëri këtë deklaratë pasi u pyet nga gazetarët në lidhje me vizitën e tij në Bosnjë e Hercegovinë, para se të mbërrinte në Mal të Zi. Erdogan u pyet në lidhje me deklaratën e anëtarit të Presidencës së Bosnje Hercegovinës, Milorad Dodik, i cili u shpreh se më shumë i beson Erdoğan-it sesa Perëndimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
