Lëvizja në pikën e Kalimit Kufitar në Kapshticë do të vijojë të qëndrojë e mbyllur deri më datë 12 dhjetor 2020. Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar shtyrjen e afatit të bllokimit të Pikës së Kalimit Kufitar Kapshticë.
Sipas Drejtorisë Vendore e Kufirit dhe Migracionit Korçë, deri në këtë datë nuk do lejohet lëvizja e këmbësorëve apo mjeteve në këtë pikë kalimi. Sakaq Policia Kufitare e Kapshticës i ka bërë thirrje qytetarëve që duan të udhëtojnë drejt Greqisë të shmangin kalimin nga kjo pikë, duke kaluar nga ajo e Kakavijës ku lëvizja vijon normalisht.
Këto masa janë marrë për shkak të rritjes së rasteve të reja me Covid-19 në Greqi. Më parë ishte vendosur që bllokimi i kalimit të zgjaste deri ditën e nesërme (4 dhjetor), por është shtyrë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
