Grupi militant Shteti Islamik Provinca Afrikane Perëndimore (ISWAP) pretendon se ka vrarë liderin e grupit rival, Boko Haram. Në një regjistrim, të cilin Reuters thotë se e ka dëgjuar, thuhet se Abubakar Shekau, udhëheqësi i grupit rivali nigerian Boko Haram, ka vdekur.
Shekau raportohet të ketë vdekur më 18 maj në një shpërthim ndërsa ndiqej nga ISWAP pas një beteje.
"Abubakar Shekaun, Zoti e ka gjykuar duke e dërguar në qiell", thuhet në regjistrim.
Vdekja e Shekau mund të çojë në përfundimin e një rivaliteti të dhunshëm midis dy grupeve, duke i mundësuar ISËAP të thithë luftëtarët e Boko Haram dhe të konsolidojë zotërimin e tij në territorin në Nigerinë verilindore, thanë analistët politikë.
Kjo do të lejojë që ISWAP të përqendrojë vëmendjen e tij te qeveria dhe ushtria, përpjekjeve të të cilave po u vjen fundi.
Shekau udhëhoqi transformimin e Boko Haram nga një sekt islamik në 2009 në një kryengritje të plotë, duke vrarë, rrëmbyer dhe plaçkitur rrugën e saj në verilindje të Nigerisë.
Grupi ka vrarë më shumë se 30 000 njerëz, ka detyruar rreth 2 milion njerëz të largohen nga shtëpitë e tyre dhe ka sjellë një nga krizat më të këqija humanitare në botë.
ISWAP më parë ishte pjesë e Boko Haram para ndarjes së tij pesë vjet më parë, duke premtuar besnikëri ndaj Shtetit Islamik. Përçarja u shkaktua nga mosmarrëveshjet ideologjike fetare mbi vrasjen e civilëve nga Boko Haram, për të cilën ISWAP kundërshtoi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
