Ura legjendare Young Street në Aberdeen, Uashington, ku Nirvana mbylli albumin historik ‘Nevermind’ me këngën ‘Something in the Way’ është drejt shkatërrimit.
Atje Kurt Cobain imagjinoi se si do të ishte jeta e tij nëse do të jetonte nën urë. Ura, e cila lidh veriun e Aberdeen-it me zonën e qendrës së qytetit, u ndërtua në vitin 1956 dhe frymëzoi tekstin klasik të këngëtarit të Nirvana-s, “Something in the Way”.
Pas vdekjes së Kurt Cobain, ai u bë një lloj memoriali dhe aktualisht “pret” urimet dhe mbishkrimet lidhur me Nirvana.
Por, sipas një faqe interneti të krijuar nga Këshilli i Qytetit të Aberdeen, ura është në rrezik për shkak të vjetërsisë së saj.
Tani, me një grant prej 23 milionë dollarësh nga qeveria federale e SHBA, qyteti shpreson të riparojë urën dhe të “nderojë Kurt Cobain”, megjithëse vetë struktura origjinale mund të shkatërrohet.
Autoriteti bashkiak i qytetit po shqyrton tre mundësi, e para është restaurimi i urës, e dyta është ruajtja e pjesëve të saj dhe zëvendësimi i të tjerave dhe e treta është zëvendësimi i plotë i saj. Çfarëdo vendimi të merret, lidhja e saj me këngëtarin e Nirvana do të vihet në pah.
Krist Novoselic i bëri homazhe ish shokut të tij të grupit këtë javë, duke thënë se Nirvana mbetet "aq e fortë sa kurrë, nëse jo më e fortë" dhe tha se arsyeja për këtë qëndrueshmëri qëndron tek Cobain.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
