George Clooney thotë se për një moment mendoi se aksidenti me motor në 2018 ishte momenti i fundit i jetës së tij.
Ylli i “Gravity”, tha në një intervistë të fundit se ai ishte i bindur se do të vdiste dhe njerëz të ndryshëm do mblidheshin rreth tij dhe do të filmonin në vend që ta ndihmonin.
“Nëse je në sy të publikut, ajo që kupton kur je në terren duke menduar se është minuta e fundit e jetës tënde është se, për disa njerëz, do të jetë thjesht argëtim për faqen e tyre në Facebook,” i tha ai Sunday Times .
Clooney, tani 60 vjeç, po ngiste një motor në Sardenja, Itali, me 75 mph kur një makinë përpara tij u kthye dhe ai fluturoi disa metër. Megjithëse ai është "mirë tani", ai nuk mendonte se do të jetonte për të parë përsëri gruan e tij, Amal Clooney dhe fëmijët binjakë, Alexander dhe Ella.
"Po prisja që çelësi im të fikej,", tha ai.
Pas përplasjes, Clooney u dërgua me ambulancë në Spitalin John Paul II me një "traumë të lehtë në legen dhe mavijosje në njërën këmbë dhe një krah", sipas La Nuova Sardegna , një gazetë lokale, në atë kohë. Një skanim CAT tregoi se asnjë nga kockat e tij nuk ishte thyer.
Clooney la spitalin shumë shpejt, por ndoqi terapi fizike për disa kohë.
Fituesi i Oskarit kishte qenë në Itali për xhirimet e mini-serialit të tij "Catch-22", i cili u transmetua në vitin 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
