Një kliente e pasur e hotelit Ritz në Paris raportoi zhdukjen e një unaze me vlerë 750 mijë euro në dhomën e saj të premten.
Pas një kërkimi intensiv, me stafin e hotelit në vijën e parë të frontit, xhevahiri i çmuar u gjet gjatë së dielës në një qese fshese me korrent, ndërsa drejtuesit e hotelit siguruan se nuk ishte një vjedhje, por se ishte thithur nga fshesa.
Pronarja e unazës, një biznesmene e pasur malajziane, dyshoi për një nga punonjësit.
Sipas policisë, zhdukja ndodhi mes orës 09.50 dhe 11.30 të së premtes, teksa klientja po hante mëngjesin në dhomën e saj.
Ajo kishte vendosur pranë tabakasë unazën e çmuar, me një diamant 6.51 karat dhe me material platini.
Më pas ajo e harroi dhe doli për të parë butikët luksozë në zonë. Pas kthimit, unaza nuk ishte më aty ku ajo pretendonte se e kishte lënë në dhomë dhe pronari i hotelit, i inatosur filloi t’ia nxirrte stafit të hotelit.
Më pas, pasanikja bëri denoncim në polici, duke nisur menjëherë hetimet për vjedhje.
Një rrethanë, kjo e fundit, e mohuar me vendosmëri sot nga drejtuesit e Ritz, sipas së cilëve xhevahiri u gjet falë punës së përpiktë kërkimore të agjentëve të sigurisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
