Lisa Marie Presley do të varroset pranë babait dhe djalit të saj të ndjerë në pronën e familjes në Tennessee, Graceland. Ky fakt bëhet i ditur nga një përfaqësues i familjes. Këngëtarja, e cila vdiq si pasojë e një arresti kardiak në shtëpinë e saj të enjten, ishte 54 vjeç.
Ajo ishte fëmija i vetëm i “Mbretit të Rock ‘n’ Roll”, Elvis Presley. “Vendi i fundit i pushimit të Lisa Marie do të jetë në Graceland, pranë djalit të saj të dashur, Benit”, tha një përfaqësues i vajzës së saj.
Djali i Presley-t, Benjamin Keough, vrau jetën në gusht 2020 në moshën 27-vjeçare.
Në një ese të shkruar pas vdekjes së djalit të saj, Lisa Marie Presley tha se ajo ishte përballur me “vdekjen, pikëllimin dhe humbjen” që në moshën nëntë vjeç, kur babai i saj, i konsideruar gjerësisht si ylli më i madh i rock and roll-it në histori, vdiq në moshë 42-vjeçare.
Këngëtarja Lisa Marie Presley, pësoi një arrest kardiak në shtëpinë e saj në Calabasas, Kaliforni, mëngjesin e së enjtes.
Nëna e saj, Priscilla Presley, tha: “Me zemër të rëndë më duhet të ndaj lajmin shkatërrues që vajza ime e bukur Lisa Marie na ka lënë. Ajo ishte gruaja më e pasionuar, më e fortë dhe e dashur që kam njohur ndonjëherë.”
Presley u bë trashëgimtarja e vetme e pasurisë Graceland dhe rezidencës së saj prej 17,500 metrash katrorë kur ajo mbushi 25 vjeç, sipas faqes së internetit të Graceland.
Rezidenca është e dyta pas Shtëpisë së Bardhë si shtëpia më e vizituar në Shtetet e Bashkuara, sipas faqes së internetit të pronës. Pas lajmit për vdekjen e saj, dashamirës vendosën lule dhe ndezën qirinj jashtë portave të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
