Situata e rëndë në sektorin e nxjerrjes së mineraleve, për shkak të rënies së çmimeve në tregjet ndërkombëtare, ka bërë që qeveria të shikojë me përparësi mundësinë e uljes së rentës minerare me 40%.
Zëvendës Ministri i Energjisë dhe industrisë Gëzim Musabelliu, që kryeson një grup pune për studimin e kësaj çështjeje, deklaroi ekskluzivisht për TemA TV se propozimi për Ministrinë e Financave është për një ulje të konsiderueshme.
Mjaft nga subjektet që operojnë në industrinë nxjerrëse, por kryesisht në bakër dhe krom kanë pushuar aktivitetin. Shumë subjekte tjera e kanë reduktuar punën në minimum dhe kanë larguar punëtorët. E gjitha kjo i detyrohet rënies drastike të çmimit të eksportit.
Sipas INSTAT nga sektori i industrisë nxjerrëse kanë humbur vendin e punës mbi 11% e të punësuarve. Pjesa më e madhe e tyre i përkasin koncensionarit të nxjerrjes së bakrit BerAlb që prej muajsh e ka pezulluar aktivitetin.
Për më shumë detaje mund të ndiqni specialen e përgatitur nga gazetari Adi Darsi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
