Ministri i Mbrojtjes së Kinës do të vizitojë Rusinë dhe Bjellorusinë

Ministri kinez i Mbrojtjes, Li Shangfu do të vizitojë Rusinë dhe Bjellorusinë nga e hëna deri të shtunën, sipas Ministrisë së Mbrojtjes së Kinës.

Li do të marrë pjesë në Konferencën e Moskës për Sigurinë Ndërkombëtare, ku do të mbajë një fjalim dhe do të takohet me drejtuesit e departamenteve të mbrojtjes të Rusisë dhe vendeve të tjera, tha të hënën zëdhënësi i ministrisë Wu Qian.

Gjatë vizitës së tij në Bjellorusi, Li do të takohet me krerët e vendit dhe krerët e ushtrisë bjelloruse, shtoi Wu.

Li vizitoi Rusinë për herë të fundit në prill, kur u takua me presidentin rus Vladimir Putin.

Pavarësisht përpjekjes për ta paraqitur veten si ndërmjetës neutral i paqes në konfliktin e Ukrainës, Kina ka forcuar lidhjet e saj ekonomike, diplomatike dhe të sigurisë  me Rusinë gjatë pushtimit të saj, të cilin Pekini nuk e ka dënuar kurrë.

Li, një gjeneral dhe veteran i përpjekjes së modernizimit ushtarak të Kinës, u  sanksionua nga Shtetet e Bashkuara  në vitin 2018 për transaksionet me eksportuesin e armëve të kontrolluar nga shteti rus, Rosoboronexport, kur ai drejtonte Departamentin e Zhvillimit të Pajisjeve të ushtrisë kineze.