Pas më shumë se dy javë pezullim për shkak të situatës së koronavirusit, Kuvendi i Shqipërisë i rikthehet punimeve. Seancat dhe komisionet do të zhvillohen të gjitha online, pa praninë fizike të deputetëve dhe medias.
Të premten, kryetari i Kuvendit Gramoz Ruci, ka njoftuar Konferencen e Kryetarëve. Në rend të dites do të jenë dy pika. E para është miratimi i kalendarit të punimeve të Kuvendit për periudhën 30 mars deri me 17 prill, dhe e dyta miratimi i grafikut të mbledhjeve të komisioneve të përhershme parlamentare.
Mësohet se komisionet nisin punë javën e ardhshme e në shqyrtim do të jenë të gjitha aktet normative të ndërmarra deri tani nga qeveria për masat mbrojtëse në luftën kundër përhapjes së koronavirusit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
