Komisioni për Çështjet Ligjore, Administratën Publike dhe të Drejtat e Njeriut zhvilloi sot një seancë lidhur me vakancën e Avokatit të Popullit. Mes atyre që shpalosën platformën ishte edhe avokati Altin Goxhaj. Ai foli për një skenar shpopullimi të Shqipërisë, të përgatitur nga Soros. Ndër të tjera u shpreh kundër pranisë së komunitetit LGBT në shkollat e vendit.
“Po të jem unë, nuk do të shkelë këmbë LGBT-je në shkollat e Shqipërisë deri në 18 vjeç. Kjo është axhenda e Soros. Ne duan të na zëvendësojnë brenda 20 vitesh”, tha Goxhaj.
Do të jenë 19 nga lista paraprake me 20 kandidatë që do të shpalosin platformat e tyre përpara deputetëve të Kuvendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
