Në Hungari, qeveria ka lançuar një fushatë të sponsorizuar me paratë e taksapaguesve, në qendër të të cilës janë vënë kreu i Komisionit Europian, Jean-Claude Juncker, dhe biznesmeni amerikano-hungarez, George Soros. Qëllimi i fushatës, sipas qeverisë, është informimi i qytetarëve në lidhje me nxitjen që Brukseli po u bën planeve të emigracionit, të cilat “kërcënojnë sigurinë e Hungarisë”.
“Keni të drejtë të mësoni atë që po përgatit Brukseli”, thuhet në një poster, ku shfaqen Juncker dhe Soros. Posteri u postua fillimisht në faqen zyrtare të qeverisë hungareze në “Facebook”.
“Qeveria ka nisur një fushatë informimi në lidhje me planet e nxitura me incentiva që Bruskeli ka për emigracionin. Të gjithë kanë të drejtë të mësojnë se cilat janë propozimet aktuale, të cilat në mënyrë thelbësore kërcënojnë sigurinë e Hungarisë”, shkruhet bashkëngjitur posterit.
“Ata duan të vendosin kuota të detyrueshme. Duan të dobësojnë mbrojtjen e kufijve të shteteve anëtare. Duan ta lehtësojnë emigracionit me viza të posaçme”, thuhet më tej.
Ky poster është i fundit në një seri fushash të financuara me paratë e taksapaguesve, por është i pari që përdor direkt imazhin e Juncker, i cili, njësoj si partia në pushtet e kryeministrit Viktor Orbán, Fidesz, është anëtar i qendrës së djathtë, Partitë Popullore Evropiane.
Soros dhe Fondacioni i tij për Shoqërinë e Hapur financon iniciativa për mbrojtjen e të drejtave të njeriut në Evropë, por është bërë objektivi kryesor i fushatave të kryeministrit Orban. Kritikët e akuzojnë këtë të fundit për antisemitizëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
