Kreu i Partisë Demokratike, Lulzim Basha, i është bashkuar sërish mbrëmjen e sotme protestuesve, që prej pasdites së sotme po qëndrojnë në çadrën e vendosur pranë Kryeministrisë. Teksa është shprehur se do të qëndrojë për gjatë gjithë natës me protestuesit, kryedemokrati Basha thotë se pikërisht këta të fundit e kanë në dorë sesa do të zgjasë protesta.
Duke folur për “News24”, kreu i PD-së thotë se tashmë ka ardhur koha që qeveria të tërhiqet.
“Dikush duhet të tërhiqet, qeveria ose populli. Por mendoj se ka ardhur koha të tërhiqet qeveria”, tha Basha.
I pyetur nga gazetari Erjon Skëndaj se cili është mendimi i tij lidhur me qëndrimin e LSI ndaj protestës së opozitës, nga e cila deri më tani nuk ka patur asnjë koment, Basha tha se “Nuk ka asnjë mendim për këtë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
