Një krim i rëndë në familje është regjistruar mbrëmjen e kësaj të shtune në kryeqytet ku babai ka vrarë me thikë djalin e tij në banesë.
Ngjarja ka ndodhur rreth orës 18:50, tek Kodra e Priftit, në rrugën “Ilia Shyti”, në banesë, ku shtetasi Hekuran Gjoni, rreth 74 vjeç, ka goditur me mjet prerës djalin e tij shtetasin Asim Gjoni, 37 vjeç.
Si pasojë e goditjes 37 vjeçari ka humbur jetën në spital duke mos i rezistuar plagëve të marra.
Menjëherë pas njoftimit të marrë për ngjarjen, shërbimet e Policisë kanë bërë shoqërimin e autorit në Komisariat për veprime të mëtejshme.
Grupi hetimor po punon për sqarimin e plotë të rrethanave të kësaj ngjarje si dhe zbulimin e shkaqeve që e kanë detyruar të moshuarin të vrasë të birin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
