Vodhi dy automjete ditën e sotme, arrestohet 32-vjeçari në Tiranë, dyshohet se vuan nga probleme të shëndetit mendor

Policia e Tiranës ka arrestuar një 32-vjeçar me iniciale F.F i cili dyshohet se vuan nga probleme të shëndetit mendor pasi ka grabitur dy automjete ditën e sotme. Bëhet me dije se sot rreth orës 13:30, 32-vjeçari bëri një aksident me automjetin "Volkswagen", të vjedhur në Fushë Krujë dhe u dërgua në spital për të marrë ndihmë mjekësore. Pas ndihmës mjekësore autori u largua nga spitali dhe në vodhi një automjet tjetër tip "Ford". Gjatë tentativës për tu larguar, në autostradën Tiranë-Durrës, shtetasi F. F., ka humbur kontrollin mbi drejtimin e mjetit, dhe si pasojë automjeti është përplasur me disa automjete të tjera. Njoftimi: Vodhi dy automjete ditën e sotme, falë veprimeve të shpejta policore, kapet dhe vihet në pranga autori i dyshuar. Ditën e sotme, rreth orës 13:30, është marrë njoftim se te ish-Uzina e Autotraktorëve ka ndodhur një aksident. Shërbimet e Policisë si dhe të urgjencës, me marrjen e njoftimit, kanë kaluar menjëherë në vendngjarje dhe kanë dërguar në spital për ndihmë mjekësore një të dëmtuar nga aksidenti, shtetasin F. F., 32 vjeç, dyshohet me probleme të shëndetit mendor. Pas verifikimit të automjetit tip "Volkswëagen", të përfshirë në aksident, ka rezultuar se ky automjet, ishte vjedhur disa minuta më parë, në Fushë-Farkë. Shtetasi F. F., pasi ka marrë ndihmën mjekësore në spital, pas disa minutash është larguar nga spitali. Në momentin që është larguar, në parkingun e spitalit, ka vjedhur një automjet tjetër tip "Ford". Shërbimet e Komisariatit të Policisë Nr. 3, të Komisariatit Nr. 4, të Forcës së Posaçme "Shqiponja" dhe shërbimet e Qarkullimit Rrugor, janë vënë në ndjekje të tij. Gjatë tentativës për tu larguar, në autostradën Tiranë-Durrës, shtetasi F. F., ka humbur kontrollin mbi drejtimin e mjetit, dhe si pasojë automjeti është përplasur me disa automjete të tjera. Në vijim të veprimeve u bë arrestimi i shtetasit F. F., 32 vjeç, dhe materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.