Për kryetarin e Partisë Zgjidhja, Koço Kokëdhima, marrëveshja e 18 majit ishte një marrëveshje për bashkëqeverisje. Kokëdhima tha se me shumë gjasa PS dhe PD do të bashkëqeverisin për të paktën dy vitet e ardhshme.
“Kam shprehur idenë time se me shumë gjasa ne do kemi një bashkëqeverisje PS-PD të paktën për dy vitet e ardhshme. Ajo marrëveshje e 18 majit nuk ndihmoi për zgjedhjet e lira, nuk i dha standard këtyre zgjedhjeve, nuk arriti asnjë nga objektivat që kishte protesta 90 ditore e opozitës dhe nuk besoj se u bë për ato 6 ministra teknikë. Unë mendoj se ajo marrëveshje është për çështje më të rëndësishme dhe as për konsesus kushtetues, sepse për konsensus kushtetues nuk kishte nevojë për këtë marrëveshje. Unë besoj se ajo është një marrëveshje bashkëqeverisje”, tha ai për Orën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
