Mijëra vetë në Berlin dolën për të protestuar kundër rritjes së mëtejshme të qirave të shtëpive dhe mungesës së strehimit.
Protestuesit bënë thirrje që pronat e pronarëve të mëdhenj, që numërojnë më shumë se 3 mijë shtëpi, të merren nga qeveria. Protesta pati edhe në qytete të tjera të mëdha të Gjermanisë, si Frankfurt e Mynih.
Njëzet vitet e fundit, qiratë në Berlin janë dyfishuar dhe e njëjta gjë po ndodh edhe në qytete të tjera.
Sipas statistikave më të fundit nga Statista (2015), 48 për qind e gjermanëve jetojnë me qira (më së shumti në apartamente) dhe 52 për qind e tyre kanë në pronë një shtëpi.
Vihet re një zemërim në rritje ndaj pronarëve të mëdhenj me një portofol të gjerë pasurish të patundshme.
Gjithnjë e më shumë po mbështetet ideja e ndalimit të shtimit të këtyre pronarëve dhe kthimi i të tëra pronave në duar të shtetit, për strehim social.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
