Për herë të parë, kryhet transplanti i gjithë syrit

Transplanti i parë i një syri të tërë të njeriut është kryer në New York, raporton Scientific America.

Operacioni, i kryer gjashtë muaj më parë gjatë një transplanti të pjesshëm të fytyrës, duket se ka shkuar mirë sipas mjekëve që e kryen.

“Fakti që ne kemi transplantuar një sy të tërë është një hap i madh përpara, është diçka që është menduar me shekuj, por nuk është bërë kurrë”, tha Eduardo Rodriguez, mjeku që drejtoi ekipin që kreu operacionin i cili zgjati 21 orë.

Pacienti që iu nënshtrua transplantit është veterani ushtarak i Arkansas, Aaron James, fytyra e të cilit preku një tel të ndezur ndërsa punonte si punonjës i mirëmbajtjes elektrike në Oklahoma në qershor 2021.

Aksidenti e la atë me djegie të rënda në anën e majtë të fytyrës, duke përfshirë syrin e majtë, hundën dhe buzët dhe dëmtime të shumta në krahun e tij të majtë, gjymtyrën e tij dominuese.

Unë do të doja të falënderoja donatorin dhe familjen e donatorit. Pa ata, asgjë nga këto nuk do të ishte e mundur.

Operacioni për transplantin e pjesshëm të fytyrës dhe të gjithë syrit kërkoi ndihmën e 140 kirurgëve. Syri i transplantuar tregon shenja të jashtëzakonshme të shëndetit të mirë, por James ende nuk mund të shohë dhe shpreson se me kalimin e kohës shikimi i tij do të kthehet dhe se operacioni inovativ që i është nënshtruar do të ndihmojë mjekësinë sa i takon transplantimit.

Është shpresa ime më e madhe. Nëse mund ta shoh do të jetë fantastike.

Nëse operacioni hap një rrugë të re në fushën mjekësore, unë jam plotësisht në favor të tij.