Policia e Shtetit ka marrë një sërë masash për zhvillimin normal të ndeshjes ndërkombëtare të futbollit ndërmjet ekipeve Shqipëri-Spanjë.
Në këtë kuadër rreth 1280 forca policore, duke filluar me RENEA-n, FNSH-në e Policinë vendore të Shkodrës janë angazhuar për mbarëvajtjen para, gjatë e pas përfundimit të aktivitetit.
Drejtori i FLO, Niko Brahimaj si dhe Drejtori i Rendit Publik, Gjovalin Loka kanë instruktuar Forcat Lëvizëse Operacionale dhe Policinë e Rendit.
Po ashtu është bërë kontrolli i ambienteve të stadiumit me qen antieksploziv. Pak çaste më parë përfundoi edhe takimi mes përfaqësuesit të UEFA-s dhe Policisë së Shtetit.
Policia e Shtetit kërkon mirëkuptimin e sportdashësve që do të marrin pjesë në këtë aktivitet në respektimin dhe zbatimin e këtyre masave si dhe pajisjen me biletë dhe dokument identifikimi, duke shmangur njëkohësisht mbajtjen me vete dhe futjen në ambientet e stadiumit të sendeve të forta, borive, shisheve të çfarëdolloji, fishekzjarreve, monedhave apo sendeve metalike, pasi në hyrje do të kontrollohen fizikisht .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
