Qeveria britanike po shqyrton një rishikim të projektligjit që do t'i lejojë zhvilluesit e Inteligjencës Artificiale të përdorin përmbajtjen e krijuesve në internet për të ndihmuar në zhvillimin e modeleve të tyre.
Qeveria tha se synonte të ofronte siguri ligjore përmes një regjimi të së drejtës së autorit që u siguronte krijuesve "kontroll të vërtetë" dhe transparencë. Anëtari i grupit “Beatles” Paul McCartney ka bërë apel që të mos lejohet që inteligjenca artificiale t’i shkatërrojë artistët.
Ai i bëri thirrje qeverisë që t’i rishikojë planet, duke thënë: "Ne jemi populli, ju jeni qeveria! Ju duhet të na mbroni. Kjo është puna juaj”.
"Kështu që ju e dini, nëse jeni duke miratuar një projektligj, sigurohuni që të mbroni mendimin krijues, artistët krijues, ose nuk do t'i keni ata."
Qeveria aktualisht është duke u konsultuar mbi propozimet që do t'i lejojnë kompanitë e AI të përdorin materiale që janë të disponueshme në internet pa respektuar të drejtën e autorit, për të gjeneruar tekst ose të dhëna.
Programet gjeneruese të AI minojnë ose mësojnë nga një sasi e madhe të dhënash si teksti, imazhet ose muzika në internet për të gjeneruar përmbajtje të re që duket sikur është krijuar nga e para nga një njeri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
