Mbi 100 miliardë mesazhe u dërguan në të gjithë botën nëpërmjet aplikacionit “WhatsApp” më 31 dhjetor 2019, një rekord i ri ky për aplikacionin e mesazheve. Lajmi raportohet nga faqja “Indian Express”, e cila nënvizon se vetëm në Indi janë dërguar mbi 20 miliardë mesazhe nga biseda.
"Më 31 dhjetor 2019 u dërguan më shumë mesazhe sesa çdo ditë tjetër më parë në historinë e dhjetë viteve. Nga 100 miliardë mesazhe të dërguara, mbi 12 miliardë ishin mesazhe me vizatime", shpjegon kompania për gazetën. Vitin e kaluar në prag të Vitit të Ri, nëpërmjet “WhatsApp” u dërguan 75 miliardë mesazhe, duke përfshirë mbi 13 miliardë imazhe dhe 5 miliardë video.
Në vitin 2019, mesazhet me tekst ishin karakteristika më e njohur në “WhatsApp” në të gjithë botën, e ndjekur nga funksionet e statusit dhe të mesazheve me fotografi. Thirrjet dhe shënimet zanore ishin veçoria e katërt dhe e pestë më e popullarizuar e bisedës. Aplikacioni “WhatsApp” është rritur në disa vende, përfshirë Brazilin dhe Indinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
