Deputetja e PD-së Ina Zhupa e cila ka thirrur sot në interpelancë ministren e Arsimit Ogerta Manastirliu tha nga foltorja e Kuvendit se bëjnë përgjegjës TikTok-un për situatën e nxënësve ata që e kanë bërë fushatën në këtë rrjet social.
Zhupa tha se Manastirliu u kujtua që është ministre e Arsimit vetëm në momentin kur ndodhi fatkeqësia dhe humbi jetën 14-vjeçari.
Sipas Zhupës, vdekja e Martin Canit nuk është ngjarje e veçuar.
Një ministre që ka rekorde për hajdutëri, vjedhje dhe vdekje nuk mund të vijë të na japë moral dhe të na thotë se çfarë gjuhë të përdorim ne. Shqiptarët o dëmton më shumë vjedhja sesa fjala e një opozitari që mbron interesin publik dhe vet.
Manastirliu kur ndodhi fatkeqësia kuptoi që ishte ministrja e Arsimit. Nuk e kishim parë të ngrinte problemet e arsimit. E pamë vetëm kur iu rrezikua karrigia, kur i kërkuam dorëheqjen. Gjeti fajtorin, fajin e ka opozita, TikTok, çdo njeri përveçsa. Nëse një nga ata dy djemtë do të kishin fituar një medalje në sport e para që do merrte meritat do ishte Ogerta. Nëse do të kishin dalë fitues, do ishte Ogerta që do numëronte suksesin e arritur. Kur ndodh një mungesë përgjegjësie e oficerëve, e drejtoreshës patronazhiste atëherë Ogerta nuk ka faj.
Flisni ju për TikTok-un ku të gjithë fushatën e keni bërë në TikTok.
Ngjarja e Martinit nuk është ngjarje e veçuar, nuk është fatkeqësi e paditur. Është ngjarje e lajmëruar, sindroma e një sistemi arsimor që ka dështuar.
Martini do ishte gjallë nëse do e kishin çuar në urgjencën e QSUT-së që ishte afër. U detyruan ta çonin në spitalin ushtarak, se ishte dita që i takonte këtij spitali. Këtë sistem keni ndërtuar ju. Keni ndërtuar një sistem ku nuk është prioritet jeta, por burokracia.
Nga ana tjetër ministrja Manastirliu tha se mbi 98% e prindërve janë shprehur për vendosje filtrash apo mbyllje të platformave si TikTok.
80% e prindërve shprehin shqetësime për ndikime psiko-emocionale që përdorimi i këtyre platformave kanë te fëmijët. Ulje të vetëvlerësimit, shfaqje të simptomave të ankthit, ulej të përqendrimit.
57% e prindërve treguan se fëmijët e tyre ishin ekspozuar ndaj përmbajtjeve të papërshtatshme në TikTok.
Nga këto diskutime deri më tani, mbi 98% e prindërve janë shprehur për vendosje filtrash apo mbyllje të platformave si TikTok, prej të cilëve 60% janë shprehur për mbyllje totale të rrjeteve sociale për moshën nën 16 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
