Trajneri Ardi Behari, në emisionin “Skaner” në MCN TV, tha se Tirana e fitoi me fanellë ndeshjen ndaj Egnatias.
Sipas Beharit, tek Egnatia duhet të kenë mbivlerësim për veten, për lojtarët që kanë marrë. Më tej, ai deklaroi se Tirana në këtë sfidë, u mbështet te forca e grupit.
Porosia që i dhamë Shtubinës, ishte që të mos mbanin pikë referimi Partizanin, sepse ndeshjet ndryshojnë. Egnatia ishte e detyruar të prodhonte lojë, sepse luante përpara tifozëve të vet.
Unë do e cilësoja një ndeshje, që Tirana e fitoi me fanellë. Kjo ndodh kur e mbivlerëson veten. Egnatia e ka mundësinë për ta mbivlerësuare veten, për afrimet që kanë bërë. Kanë shumë cilësi brenda. Kolaudimi është një pjesë shumë e rëndësishme për skuadrën. Në një kohë kaq të shkurtër nuk mund të kolaudohet skuadra dhe të kërkohen rezultate.
Tirana në këtë ndeshje, u mbështet te forca e grupit. Tirana prodhoi lojë dhe pashë një skuadër shumë kompakte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
