Pepmarku: Përmes të rinjve të kthyer nga jashtë, synojmë realizim të projekteve në resurse natyrore dhe trashëgimi kulturore (VIDEO)

Shumë nga të rinjtë që kanë studiuar jashtë kanë zgjedhur të kthehen në Shqipëri për të kontribuar në vend.

Një shembull të tillë sollën në studion e “MCN live”, disa të rinj të cilët përmes një organizate synojnë plotësimin e projekteve në interes për mjedisin dhe kulturën.

Maringlend Pepmarku, pedagog dhe anëtar i shoqatës “Përforcim dhe qëndrueshmëri”, tha se kjo organizatë synon realizmin e projekteve me kontribut për vendin.

Kemi krijuar një network që të realizojë objektivat e organizatës, kryesisht ata të kthyer nga jashtë që kanë studiuar në Francë e Itali. Ne jemi kthyer këtu, me idenë për të dhënë një kontribut për e vendin tonë, në kuadër të njohurive dhe aftësive praktike të përfituara jashtë.

Objektivi ka qenë që t’ju tregojmë se suksesi mund të përkthehet në një qëllim të arritshëm, ne jemi në fillimet e përkthimit në sukses, kryesisht projekte në resurse natyrore dhe trashëgimi kulturore.

Së fundmi kemi pasur një projekt nga Ministria e Kulturës, lidhur me transumancës, që është fenomen që ka të bëj me shtegtimin e bagëtisë nga zonat malore në bjeshkë, dhe kur të ftohet moti, ti sjellin në ultësira, Franca e ka këtë në Unesco këtë, dhe ne duam të dërgojmë në nivele të mëtejshme.