BE: Prishtina dhe Beogradi të plotësojnë kushtet për vijimin e dialogut

Bashkimi Evropian ka deklaruar sot se Kosova dhe Serbia duhet të plotësojnë kushtet për vijimin e dialogut. 

Megjithatë Bruskeli nuk përmend se kur mund të ndodhë një takimi i nivelit të lartë në Bruksel.

Peter Stano, zëdhënës i BE-së për çështje të jashtme dhe të sigurisë në një koment për REL thotë: “Puna në dialog po vazhdon. Ne e kemi përsëritur vazhdimisht javëve të fundit se ka një pritje të qartë nga ana e BE-së që palët t’i ndërmarrin hapat e definuar shumë qartë për deeskalim, dhe t’i krijojnë kushtet për vazhdimin e dialogut”.

“Ne, po ashtu, kemi thënë shumë qartë se është e domosdoshme që dialogu i lehtësuar nga përfaqësuesi i lartë dhe implementimi i shpejtë i marrëveshjes për normalizimin e raporteve dhe aneksit për implementim, të bëhen pa ndonjë vonesë të re” theksoi ai.