Kamber Sulçe, autori i dyshuar i vrasjes së biznesmenit italian, Edoardo Sarchi, është vetëdorëzuar sot në Policinë e Gjirokastrës, pas negociatave me policinë.
Aktualisht ai po merret në pyetje lidhur me motivin e krimit.
Kujtojmë që më 27 shtator të këtij viti, Sulçe dyshohet se qëlloi me armë zjarri për vdekje biznesmenin Italian.
Sipas dosjes hetimore, motivi i vrasjes ka nisur nga një konflikt banal për dritat e gjata të makinës, mes autorit të dyshuar dhe djalit të ortakut të biznesmenit italian, i identifikuar si Gazmend Braçi.
Ky i fundit kishte kërkuar ndihmën e të atit, që mbërriti në vendngjarje bashkë me italianin, me dy makina të ndryshme. Në atë moment, sipas Braçit, autori filloi të qëllonte nga larg duke e lënë të vdekur Edoardo Sarchi-n.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
