Një gjykatës në Nju Jork vendosi 10 milionë dollarë si garanci për Harvey Weinstein, 1 milion prej të cilave duhen paguar kesh. Po ashtu, gjykata lëshoi urdhrin e sekuestrimit të pasaportës dhe pajisjes së producentit me një pajisje GPS, në mënyrë që të jetë i gjurmueshëm në çdo moment.
Producentit të njohur të Hollivudit iu hoqën prangat në stacionin e policisë së Nju Jorkut, ku ishte dorëzuar gjatë orëve të para të së premtes. Në njoftimin e policisë së Nju Jorkut thuhet se Weinstein akuzohet për përdhunim dhe falënderohen “viktimat kurajoze që kërkuan drejtësi”.
Lucia Evans ishte e para që ngriti akuzën për përdhunim ndaj producentit në lidhje me një episod të vitit 2004. Denoncimi i saj u pasua nga disa emra të tjerë të Hollivudit.
Zyrtarisht Weinstein akuzohet për një rast përdhunimi dhe një rast tjetër kur ka detyruar një aktore për seks oral.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
