Detaje të reja tronditëse kanë dalë nga krimi makabër në Pogradec, pasi dje rreth orës 18:15, Olsi Çekiçi, 44 vjeç, vrau nënën e tij 70-vjeçare, Firdes Çekiçi.
Mund të ishte edhe më e rëndë ngjarja që ndodhi ditën e djeshme në fshatin Buçimas të Pogradecit, ku një 44 vjeçar me probleme mendore vrau nënën e tij duke i prerë kokën dhe plagosi të vëllanë.
Ka qenë vajza e tij 15 vjeçare ajo që e ka parë të gjithë ngjarjen dhe ka telefonuar policinë, ndërsa mësohet se pikërisht 15 vjeçarja ka qenë edhe synimi i Olsi Çekiçit për ta vrarë.
E mitura është vajza e tij, dhe 44 vjeçari me probleme mendore donte ta vriste pasi ajo rrinte shumë kohë në telefon, por ka ndërhyrë gjyshja e vajzës, Firdes Çekiçi që kjo tragjedi të mos bëhej edhe më e rëndë.
44 vjeçari ka goditur nënë e tij dhe më pas i ka prerë edhe kokën, ndërsa ka plagosur edhe të vëllanë, ndërsa në momentin që ka ardhur policia është dorëzuar pa bërë rezistencë duke u thënë policëve: Mos u afroni, do bëheni pis me gjak, është gjak me magji.
Edhe vetë ai ka pasur disa shenja plage, si pasojë e përleshjes me vëllain, i cili ndodhet në spital pas plagëve të marra në kokë. Të dy vëllezërit raportohet të jenë me të meta mendore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
