Kush kryen krim elektoral, do t’i mohohet udhëtimi jashtë vendit për 5-10 vite. Kryeministri Rama e paralajmëroi një masë të tillë sot paradite gjatë një takimi me banorët e njësisë administrative nr 1. në Tiranë. Rama tha se masa do të kalojë nesër në Parlament.
“Nuk do lejohet të dalin nga vendi 5-10 vite kush kryen krim elektoral. Kjo masë do të kalojë nesër në Parlament. E gjithë kjo rrëmujë bëhet nga frika e reformës në drejtësi. Keqardhje për ata që i ndjekin se po përfundojnë burgjeve. Shkojnë në burg për Lulin dhe për fallxhoren. Ata nxisin njerëzit të bëjnë rrëmuja, vetë flenë në shtëpitë e tyre”, tha Rama.
Masa e propozuar nga Rama vjen pas situatave të tensionuara që u regjistruan dje në disa KZAZ të vendit. Në Shkodër, një grup mbështetësish të PD-së dogjën materialet zgjedhore, ndërsa në Tropojë pati përplasje me policinë. Kjo e fundit njoftoi sot se në lidhje me këto dy incidente janë arrestuar 12 persona.
Ndërkohë, incidente të tilla kanë vijuar edhe sot. Në Burrel e Kamëz sot policia hodhi gaz lotsjellës, ndërsa pati dhe të plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
