Një zjarr ka rënë te Mitropolia Ortodokse në Gjirokastër, ku sipas korrespondentes së MCN TV është djegur vendi i lutjes dhe sende të tjera me vlerë.
Zjarri ka rënë në orën 11:20 dhe menjëherë në vendngjarje kanë shkuar forcat zjarrfikëse, në lagjen "Meçite" ku ndodhet Mitropolia.
Pas ndërhyrjes së zjarrfikësve u bë izolimi i zjarrit, duke mos lejuar depërtimin e tij në pjesët e tjera, që ishin më konstruksion dru dërrasë. Nga flakët u dogjën vendi i qirinjve, disa libra dhe vendi i lutjeve. Burime zyrtare bëjnë me dije se nga dyshimet paraprake mendohet se zjarri është shkaktuar nga qirinjtë e ndezur në vendin e lutjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
