Një ngjarje e rëndë ka ndodhur para pak minutash në zonën e Laprakës.
Dyshohet se tre persona të së njëjtës familje kanë mbetur të plagosur me thikë brenda një lokali.
Nga informacionet paraprake bëhet me dije se 40-vjeçari me iniciale E. Gj., ka plagosur V. Rr., 64 vjeç, R. Rr., 40 vjeç dhe M. M., 47 vjeç të cilët janë transportuar në spital për të marrë kujdesin e nevojshëm.
Po punohet për kapjen e autorit, ndërkohë që nuk janë të qarta rrethanat e ngjarjes.
Njoftimi i policisë: Tiranë/Informacion paraprak
Më datë 04.03.2023, në Laprakë, në një lokal, shtetasi E. Gj., 40 vjeç, dyshohet se ka goditur me mjet prerës shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç. Si pasojë 3 shtetasit janë dëmtuar dhe ndodhen në spital, nën kujdesin e mjekëve.
Shërbimet e Policisë po kontrollojnë në zonë për kapjen e autorit.
Grupi hetimor po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
