Të paktën 28 persona kanë vdekur dhe 73 të tjerë janë plagosur nga dy shpërthime me bombë në Bagdat. Raportohet se këto ishin shpërthimet e para pas dy vitesh në Irak, të cilat kanë shkaktuar jo pak dëme.
Sipas CNN, forcat e sigurisë i kishin ndjekur dy kamikazët para se të krynin aktin e rëndë, por nuk kishin mundur ti parandalonin.
Njëri prej kamikazëve ishte futur në një supermarket dhe ishte shtirur sikur ishte i sëmurë. Pasi mblodhi disa njerëz rreth vetes më pas vendosi të hidhte veten në erë.
Ndërkohë kamikazi i dytë kishte lëvizur me motorr dhe kishte gjetur një vend të përshtatshëm për të shpërthyer jelekun e tij, duke shkaktuar sa më shumë dëme.
Asnjë grup nuk ka marrë përgjegjësinë për sulmin, megjithëse dy personat në fjalë mbanin shenja dalluese të xhihadistëve sunitë, të cilët kanë kryer sulme të shumta në Irak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
