Presidenti francez Emmanuel Macron vizitoi të dielën qytetin verior të Irakut, Mosul, i cili pësoi shkatërrim të gjerë gjatë luftës për të mundur grupin e Shtetit Islamik në 2017.
Macron filloi vizitën e tij në Mosul duke vizituar kishën Zoja e Orës, një kishë katolike që u dëmtua rëndë gjatë sundimit të IS -it që zgjati nga 2014-ta deri në humbjen e ekstremistëve tre vjet më vonë.
Në një fjalim në Kishën e qytetit të shkatërruar, të cilën agjensia kulturore e OKB-së UNESCO po punon për ta restauruar, Macron u kërkoi komuniteteve fetare të Irakut të punojnë së bashku për të rindërtuar vendin.
"Ne do të kthejmë një konsullatë franceze dhe shkolla," u zotua ai, ndërsa kritikoi ritmin e rindërtimit në Mosul.
Macron premtoi të vizitonte Mosulin gjatë një samiti rajonal në Bagdad kushtuar kryesisht luftës kundër terrorizmit dhe ndikimit të marrjes së Afganistanit nga talebanët pasi SHBA tërhiqej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
