Ish-deputeti socialist, aktualisht kreu i lëvizjes Zgjidhja, Koço Kokëdhima do të zhvillojë një takim me kryedemokratin Lulzim Basha.
Burime për “Panorama” bëjnë me dije se Kokëdhima, një nga kritikët dhe akuzuesit e ashpër të kryeministrit Rama do të takohet me kreun e PD-së, Lulzim Basha në ora 15.00.
Takimi mes tyre do të mbahet në hotel Rogner dhe vjen në një situatë tejet të acaruar politike, kur opozita është prej kohësh jashtë Kuvendit dhe prej 50 ditësh kërkon dorëheqjen e Ramës si kryeministër.
Kujtojmë se më herët Kokëdhima ka zhvilluar takim edhe me kreun e LSI-së, Ilir Meta, i cili këmbëngul për zgjidhje përmes dialogut dhe është shprehur për një qeveri të Besimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
