Kritiku i artit Përparim Kabo në emisionin Bilardo në MCN nuk ka lënë pa komentuar edhe shembjen e Tetarin Kombëtar për të cilin u shpreh se ajo që i erdhi më tepër keq ishte fakti që e trajtuan atë godinë si një ‘lavire’. Ai tha se përpos faktit që vendosën ta prishnin të paktën të kishin ndërtuar katin e nëndheshëm ku të konservohej një pjesë e këtij teatri, një mundësi sipas tij dhe për studentët e artit dramatik që të merrnin pak frymë nga ajo frymë.
Më shumë se shembja më kanë dërrmuar shpirtërisht dy gjëra, e para nëmja, e trajtuan godinën e teatrin si një lavire, si një ambient që vetëm art nuk kishte pasur, si një magazinë. E dyta nëse vendosën ta prishnin duhet të bënin dy gjëra, e para fasada një pjesë e hollit, shandanët, një pjesë e skenës dhe një pjesë e karrigeve në plate, nën tokë siç është në Luvër mund të ndërtohej kati i nëndheshëm ku i gjithë teatri i vjetër i improvizuar, të konservohej atje si një muzeum, por dhe mund të luhej me pak spektatorë.
Madje të gjithë studentët e artit dramatik për të marrë frymë nga ajo frymë duhet të kalonin nga atje. Dhe e fundit për nga radha ajo nuk duhej shembur, ajo mund të rrëzohej si godinë me një ceremoni vlerësuese, me fjalime, me lule. Ne nuk i dimë tani ku janë kostumet e tyre dhe ku janë ato librat e teksteve, thonë se i kanë konservuar uroj me zemër të jetë e vërtetë. Unë teatrin nuk e kam braktisur, jam një qytetar që veja në teatër çdo javë, madje arrita u bëra dhe kritik teatri, arrita që të botoj libra si kritikë teatri dhe kapa dhe ëndrrën sepse arrita të shkruaj dramë dhe ta vë atë në skenë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
