Partizani fitoi derbin e javës së 33-të në Superiore, me shifrat 2-1 përballë Tiranës, dhe 3 javë para fundit, është shpallur edhe kampion në kampionat.
Dy golat për Partizanin u shënuan nga Cinari, ndërsa për Tiranën rrjetën e nderit e tundi Greca.
Në “Selman Stërmasi”, menjëherë pas vërshëllimës së fundit të arbitrit të ndeshjes, ka shpërthyer festa e shumëpritur e tifozëve të Partizanit, një sukses i merituar dhe tejet i arritur, pasi vjen 3 javë nga fundi i kampionatit shqiptar të futbollit. Si për ironi të fatit, shampanja është hapur pikërisht përballë rivalëve të përjetshëm të kryeqytetit, në “shtëpinë” e Tiranës dhe ndaj një ekipi që edhe këtë vit do të duhet të luftojë për mbijetesën.
E ndërsa në kampin e kuq ka festë, në atë bardhelu ka frikë, pasi Tirana e sheh veten në vendin e 8-të me 40 pikë, vetëm 2 më shumë se Kastrioti duke rrezikur rënien.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
